1928 ජූනි 14 වෙනි දින ආජන්ටිනාවේ රෝසයිරෝ ඩිලාෆෝහීදී ගුවේරා ඩිලාසන්නා ලෙස උපත ලැබීය. ඔහුගේ මව සෙලියා ඩිලාසන්නාය. පියා ලින්චි ගුවේරා ඩිලාසන්නාය.
කුඩා කල සිටම ඇඳුම රෝගයෙන් පෙළනු මේ කුඩා ශිෂ්‍ය දේශ සංචාරයට මහත් සේ ඇලුම් කලේය. 1964 සිට 1953 දක්වා බුවානස් අයර්ස් ජාතික විශ්ව විද්‍යාලයේ වෛද්‍ය ශිෂ්‍යයෙකු ලෙස අධ්‍යාපනය සිදු කල කාලයේදී වෛද්‍ය ඇල්බටෝ ග්‍රැනඩෝස් සමග මෝටර් බයිසකලයකින් ලතින් ඇමරිකානු රටවල් වල ලෙඩ රෝග හඳුනා ගැනීමේ සංචාරයක යෙදිනි.
එම ගමනේ දී චිලිය, පේරු, කොලොම්බියාව, වෙනිසියුලාව වැනි රටවල් වල සංචාරය කිරීමේ අවස්ථාව ඔහුට ලැබිනි. 1953 දී ඔහු ශල්‍ය වෛද්‍ය වරයෙකු හා ලාදුරු විශේෂඥයෙකු ලෙස වෛද්‍ය අධ්‍යාපනය නිම කරන ලදි. ඉන් අනතුරුව තම දෙවෙනි ලතින් ඇමරිකානු සංචාරය ආරම්භ කරන ලදි. එහිදී බොලිවියාව, පිරු, ඉක්වදෝර්, කොලොම්බියා, පැනමා, කොස්ටරිකා, සැල්වදෝර් සංචාරය කරනු ලැබීය. එය සැබවින්ම වෛද්‍ය පර්යේෂණ ගමනකට වඩා දේශපාලන ගමනක් විය. ඔහු එහිදී අත්දුටු වෛද්‍ය ප්‍රශ්න සඳහා හේතු වූයේ සමාජ ප්‍රශ්න බව ඒත්තු ගැනීමට වැඩි කාලයක් ගත නොවිය. මේ අතර මෙක්සිකෝවේ හෘද රෝග ආයතනයකට බැදී සේවය කරන අතර තුරේදී මෙක්සිකෝවේ අම්පරාත් වීදියේ 49 දරන මරියා ගොන්සාලිස්ගේ නිවසේ දී චේට පිදෙල් කස්ත්‍රෝ මුණගැසුනි. ඒ වන විට දේශපාලන වශයෙන්ද රටවල් කීපයක දේශපාලන අත්දැකීම් වලින් පන්නරය ලැබූ ගුවේරාට කියුබානු අරගලයට එකතු වූයේ වෛද්‍ය වරයෙකු ලෙස හා සටන් කාමියෙකු ලෙසය.
ග්‍රැන්මා බෝට්ටුවෙන් සියෙරාමයෙස්ත්‍රා කඳවුර දක්වා අසීරු සටන් මැදින් අර්නස්ටෝ ගුවේරා ඇතුලු කියුබානු රණකාමීන් පැමිණි අතර එතැන් සිට අර්නස්ටෝ ගුවේරා කියුබානු සටන් කාමියෙකු විය. බැටිස්ටාට එරෙහිව ඇරඹුනු අරගලයේදී තීරණාත්මක ශාන්ත ක්ලේරා සටන ජයග්‍රහණය කරමින් කියුබාව බැටිස්ටා ගෙන් බේරා ගැනීමේදී ගුවේරාගේ නමට චේ යන පදය නැත හොත් ඊඹෲශ යන්න පටබැදුනු බව ලියවී තිබුනි. එතැන් සිට කෘෂිකාර්මික මුදල් ඇමති වෙළඳ ඇමති ලෙස කටයුතු කල චේ ඒ සියලුම නිලතල වලින් ඉවත්ව ලතින් ඇමරිකානු රටවලු වලට විමුක්තිය උදාකර දීමේ සටනේ පුරෝගාමීයා ලෙස කොංගෝවට හා ඉන් අනතුරුව බොලිවියාවටද පැමිණියේ අධිරාජ්‍යවාදීන්ට එරෙහිව අරගලයේ නවමු සුවඳ ආඝ්‍රාණය කිරීමේ අවස්ථාව ලබා දීමටය. කොංගෝ රාජ්‍යයේ දී ලේරන්ට් කබිලා හා සමග සහයෝගයෙන්ද කටයුතු කල චේ තම අවසාන සටන් භූමිය ලෙස තෝරා ගත් බොලිවියාවේදීම ක්‍ෂ් සංවිධානයේ හා රෙනී බැරෙන්ටෝසගේ හමුදාව විසින් යූරෝ අගාදයේදී අත්අඩංගුවට ගෙන ලා හිගුවේරානි පාසල් කුටියකදී මරියෝ ටෙරාන් විසින් චේ වෙඩි තබා ඝාතනය කරන ලදි.
