Category: Ratutharuwa
Ratutharuwa Magazine
-
රු. 10000කින් වැටුප වැඩි කරනු
ජන ජීවිතයට බලපාන අත්‍යවශ්‍ය බඩු භාණ්ඩ වල මිල දිනපතාම ඉහල නගිමින් පවතී. අයවැයෙන් බඩුමිල ඉහල නොදැමූ බවට පම්පෝරි ගැසූ ආණ්ඩුවේ ගැත්තරයින් අයවැයට පෙර හා පසුව වේගයෙන් ඉහල නගින බඩුමිල ගැන ගොලුවත රකිති. පසුගිය ජුනි මස ඉන්ධනවල මිල විශාල වශයෙන් ඉහල දැමූ අතර මේ වනවිට ගෑස්මිල දෙගුනයකට ආසන්න වශයෙන් ඉහල දැමීය හාල්මිල තින්දු කරන්නේ ආණ්ඩුව බව පම්පෝරි ගැසු මහින්දානන්ද ඇමතියාගේ දෙකොනපූට්ටුවී ඇති අතර හාල්වල මිල රුපියල් 150ට ආසන්නව ඉහල ගොස් ඇත. රුපියල් 100 – 120 අතර පැවති බත් පැකට්ටුවේ මිල මේවන විට රුපියල් 200 හා 250 අතර ප්‍රමාණයකින් වැඩිවී ඇත. පේලේන්ටිය හා කිරිතේ එකක මිල පවා රු.20කින් පමණ ඉහළගිය අතර පාන්ගෙඩියක මිල තවත් රු.10කින් ඉහල නංවා ඇත. එළවලු වල මිලද දෙගුන තෙගුන වී ඇති අතර බිත්තරයක මිල රු25කි. මේ සමග මහ බැංකුව මගින් තොග වශයෙන් මුදල් අච්චුගැසිම සමග ජීවන වියදම රොකට් වේගයෙන් ඉහල නගිමින් පවති.
මේ තත්වයන් තුළ වැඩ කරන ජනතාවට ලැබෙන වැටුපෙන් ජීවත්විමට නොහැකි පරිසරයක් නිර්මාණයවී ඇත. රජයේ සේවකයින් පෞද්ගලික අංශයේ සේවකයින් වතුකරයේ ජීවත්වන වතු කම්කරුවන් පමණක් නොව විශ්‍රාම වැටුපෙන් ජීවත් වන ජනතාවද එදිනෙදා ජීවිකාව පවත්වාගෙන යා නොහැකි තැනකට පත්ව ඇත. මෙම පසුබිම තුළ සියලු අංශවල සේවයේ නියුතු කම්කරුවන්ගේ වැටුප රුපියල් දහදාහකින් (10000) වැඩිකරන ලෙසට කරන ඉල්ලීම වටා සියලු අංශවල වැඩකරන ජනතාව පෙල ගැසෙමින් පවතී. ආණ්ඩුව මෙම ඉල්ලීමට යහපත් ප්‍රතිචාරයක් නොදක්වන්නේ නම් පළමුව ජාතික විරෝධතා දිනයක් පවත්වා දෙවනුව වැඩවර්ජන තින්දුවක් ගැනිම දක්වා ගමන් කිරිමට වෘත්තිය සමිති මේවන විට සාකච්ජා කරමින් පවතී.කම්කරු පන්තිය තුළින් මතුවී එන වැඩවර්ජන වලට බියෙන් ආණ්ඩුව ඊට මුහුණ දීමට නෙහැකිව ආයතතන ගනනාවක් අත්‍යවශ්‍ය සේවා බවට පත්කර ඇති විශේෂ ගැසට නිවේදනයක් ප්‍රකාශයට පත්කර ඇත. වරාය බැංකු ඛනිජ තෙල් විදුලිය යනාදී ආයතන ඇතුලත් වන පරිදි ජනාධිපති ලේකම් විසින් මෙම නියෝගය පනවා ඇත. දිනෙන් දින වර්ධනය වන වැඩ කරන ජනතාවගේ විරෝධතා අත්‍යවශ්‍ය සේවා නියෝග කලින් හෝ රාජ්‍ය බලය යොදා මර්ධනය කළ නොහැකි බව පංති සටන් ඉතිහාසය පෙන්වා දෙන සත්‍යයකි.
-
පළාත් සභා අද නොවේ හෙට
මේ ආණ්ඩුව බලයට පත්වු මුල් දිනවල දෙනු ලැබූ පොරොන්දුවක් වූයේ යහපාලන ආණ්ඩුව විසින් කල්දමා තිඛෙන පළාත් සභා ඡන්දය ඉතා ඉක්මණින් පවත්වන බවය. මහින්ද හා බැසිල් යන ආණ්ඩුවේ ප්‍රබලයින් මේ ගැන නැවත නැවතත් පොරොන්නදු දෙනු ලැබීය. අලූතෙන් පත්කරනු ලැබු මැතිවරණ කොමිෂමේ සභාපති ඇතුලූ සෙසු සාමාජිකයින් මුණ ගැසුණු අවස්ථාවේ අගමැති මහින්ද ප්‍රකාශ කළේ පළාත් සභා මැතිවරණය පැවැත්වීමට අවශ්‍ය කටයුතු ඉක්මනින් කරන ලෙසය. ඒ අතර පළාත් පාලන විෂය බාර ඇමති ජනක බණ්ඩාර තෙන්නකෝන් විසින් පළාත් සභා ඡන්දය ඉක්මනින් පැවැත්වීම සදහා අවශ්‍ය කටයුතු කරන මෙන් ඉල්ලා සිටින කැබිනට් පත්‍රි‍රකාවක්ද දෙසැම්බර් අගදී ඉදිරිපත් කරන ලදී .
මේ සමග දෙබරයට ගල් ගැසුවාක් මෙන් පැරණි පළාත් සභා විරෝධින් අවදි වී ඊට එරෙහිව උද්ඝෝෂණය අරඹා ඇත. මෙම විරෝධතා කණ්ඩායමට අලූතෙන්ම එකතුවුයේ බුද්ධ ශාසන මණ්ඩලයයි. පළාත් සභා අහෝසිකර යුතුය යන දැඩි මතවාදයක සිටින ගුණදාස අමරසේකර නලින් ද සිල්වා වැනි අය සමග රංචු ගැසී සිටින පළාත් සභා විරෝධින්ගේ උපායික පියවර වන්නේ යෝජිත නව ආණ්ඩුක්‍රම ව්‍යවස්ථාව සකස් කිරිමෙන් පසුව ඒ ගැන සළකා බලන ලෙසය. දැඩි සිංහල ජාතිවාදීන් හරහා පළාත් සභා විරෝධය මතුවිම සමග ආණ්ඩුව ඇතුලත සිටින වීරවංශ ගම්මන්පිල හා දිනේෂ් වැනි අයද තම විරෝධය ඉස්මත්තට ගෙන තිබේ.
මෙම පසුබිම තුළ ජනාධීපති ඇතුලූ පිරිසක අදහසවී ඇත්තේ කොවිඩ් වසංගතය අවසන් වන තුරු පළාත් සභා ඡන්දය කල්දැමිය යුතු බවය. කබරගොයා තලගොයා කර ගැනීමේ න්‍යාය යොදා කොවිඩ් පෙන්වා පළාත් සභා ඡන්දය කල් දැමිමට සියලූ දෙනා අවසානයේ එකඟතාවය පලකර ඇත . කොවිඩ් වසංගතය මධ්‍යයේ මහ මැතිවරණය පැවැත්වීම වෙනුවෙන් වාචාලකම් දෙසු ඇමතිවරු සියලූ දෙනාම ජාතිවාදී බලවේග වල උවමනාවට පළාත් සභා ඡන්දය කල් දැමිම එහි පළාත් සභා නැවත යථාර්තයක්වීමේ අවසානය පෙන්නුම් කිරිමක් විය හැකිය.
-
අවනඩුව 153
ජනයා බිලිදීල කෝවිඩ් රකුසාට
නිදහසේ මැරෙන්නටවත් නැති ලෙසට
දවා හළු කිරීමයි සුපුරුදු ඔහුට
බලයෙන් මත්වෙලා මහ විනයකි රටට20ත් හරි මමයි මහරජු අනභිබව
නීතිය දමා බල්ලට බලූ කර රටම
වෙඩි උණ්ඩෙන් තමයි උත්තර දෙන්නෙ මම
හිට්ලර් කෙනෙක් ඉල්ලූව හින්දා උඹලා. -
රටම අනාතයි කුජීතයි
කෙරෝනා වසංගතය මේ වන විට රටපුරා ව්‍යාප්ත වෙමින් පවතින අතර එය පාලනය කර ගැනීමට නොහැකි බංකොලොත් තත්වයට ආණ්ඩුව පත්ව ඇත. වයිරසය පාලනය කර ගැනීමට ගතයුතු පියවර කුමක්ද යන්න සම්බන්ධව ජනාධිපතිවරයා සෞඛ්‍ය දෙපාර්තමේන්තුව හා රජයේ වෛද්‍ය නිලධාරින්ගේ සංගමය දරන්නේ එකිනෙකට පරස්පර අදහස්ය. මේ අතර තවදුරටත් ගෝඨාභය හමුදා යාන්ත්‍රණය මත කොවිඩ් 19 පාලනය කිරීමේ ක්‍රියාන්විතය දිගටම පවත්වාගෙන යනු ලැබීම නිසා අර්බුදය තවත් උග්‍රවී ඇත. මේ සමග රට ක්‍රමයෙන් හමුදා පාලනයකට යටත් කිරීමේ වැඩ පිළිවෙල ආරම්භ කර ඇති බව පැහැදිලිය. වසංගතය පාලනය කිරීමට ආණ්ඩුවේ නොහැකියාව පසුගියදා ජනාධිපති ගෝඨාභය ප්‍රසිද්ධියේ පිළිගනිමින් කියා සිටියේ යුද්ධය ජය ගැනීම තමන්ට කළහැකිවුවද මෙම වසංගතයක් නිසා එලෙස මැඩ පැවැත්විය නොහැකි බවය. යුද්ධය ජය ගත්තාසේම මෙම වසංගතය මැඩ පවත්වන බවට ගැසු කයිවාරුවේ සැබෑ තත්වය ඔහුගේ කටින්ම ප්‍රකාශවීම හාස්‍යජනකය.
බස්නාහිර පළාත ඇතුලූ දිවයිනේ ප්‍රදේශ ගනනාවක් දින 11ක් පමණ වසා දැමීමෙන් කොවිඩ් වයිරසය පැතිරිම පාලනය කිරිමට නොහැකිවු අතර මෙම කාලය තුළ වසංගතය හේතුකොට ගෙන මිය යන සංඛ්‍යාව සීඝ්‍රයෙන් ඉහල යමින් තිබේ. එසේම රෝගීන් නිවෙස් තුළම මරණයට පත්වීම පෙන්නුම් කරන්නේ පාලනය කිරීමට නොහැකිවිම හා තත්වයේ බරපතල ස්වභාවයයි. කොරෝනා පළමු රැල්ල පාලනය කල බවට උදම් ඇනු ආණ්ඩුවට දෙවන වටයේ මෙය ව්‍යාප්තවීමට තිඛෙන හැකියාව හා ඉඩ ගැන කිසිදු ඉදිරි දැක්මක් නොතිබු බව ඉතා හොදින් ප්‍රදර්ශණය විය. සෞඛ්‍ය අංශයට 2021 ඉදිරි අයවැය ඇස්තමේන්තු බැලීමේදී එම තත්වය හොදින් පැහැදිලිවේ. 2020 අයවැය ලේඛණය සඳහා රුපියල් බිලියන 178ක් වෙන්කර තිබූ අතර 2021 ඉදිරි වර්ෂය සඳහා සෞඛ්‍ය අමාත්‍යංශයට වෙන්කර තිඛෙන මුදල රුපියල් බිලියන 20කින් කප්පාදු කර තිබේ. ඇත්ත වශයෙන් කොවිඩ් වසංගතය ලෝකය පුරා ව්‍යාප්ත වන අන්දම බැලීමේදී කළ යුතුව තිබුණේ සෞඛ්‍ය අංශයට අයවැයෙන් වෙන්කරන මුදල වැඩි කිරීමය. නමුත් ආණ්ඩුව කර ඇත්තේ තිබුණු මුදලත් කප්පාදු කර ජනතාවට කොකා පෙන්වීමය.
මේ අතර ආණ්ඩුව කොවිඩ් ආසාදිතයන් හදුනා ගැනීම සඳහා යොදා ගන්නා PCR පරීක්ෂණය කප්පාදු කිරීම සඳහා රැපිඩ් ඇන්ටිජන් පරීක්ෂණය හදුන්වා දීමට පියවර ගෙන ඇත රැපිඩ් ඇන්ටිජන් පරීක්ෂණය PCR පරීක්ෂණයට ආදේශකයක් ලෙස යොදාගත නොහැකිබව වෛද්‍ය විශේෂඥයින්ගේ අදහස බව ප්‍රකාශකර තිබියදී ආණ්ඩුවේ තැරැව්කාරයින්ගේ ව්‍යාපාර කටයුතු වෙනුවෙන් මෙම පියවර ගැනීම ගැන බරපතල විරෝධයක් මතුව ඇත. හිතුවක්කාර හා දඩබ්බර අන්දමට ගෝඨාභයගේ ආණ්ඩුව ගෙනයන මෙම අමනෝඥ පියරයන් නිසා මුලූ රටම බරපතල අනතුරකට ඇදවැටිය හැකිය. මෙම පසුබිම තුල දෙවන වටයේ වසංගතයේ ව්‍යාප්තිය ජනතාව පිට පටවා ඇඟබේරා ගැනීමට ගෝඨාභය ඇතුලූ ආණ්ඩුවේ නායකයින් කටයුතු කිරිම ආණ්ඩුවේ බංකොලොත්කම පෙන්නුම් කරන අතර රෝගීන් නිවෙස් වලට සිමා කිරීම හරහා ජනතාවට මරණය තෝරා ගැනීමට ඉඩහැර ඇත.
මේ අතර කොවිඩ් වසංගතය මුවාවෙන් රැකියා අහිමි කෙරෙන කම්කරුවන්ගේ ප්‍රශ්ණය උග්‍ර වන අතර වැටුප් කප්පාදුව හා වැඩි පැය ගනනක් සේවයේ යෙදවීම ධනපති පාලකයින් පියවර ගනිමින් සිටී. උග්‍රවන ආර්ථීක අර්බුදය හමුවේ ජීවත්විය නොහැකි අන්දමට ජීවන වියදම ඉහල නැගීමද සිදුවෙයි. රැකියා අහෝසිය හා අධික ජීවන වියදමට එරෙහිව කම්කරු පංතිය හා ජනතාව අතර මතුවෙමින් එන විරෝධය එක්සත් ජනතා බලයක් බවට පත් කිරිම සඳහා වෘත්තිය සමිති ව්‍යාපාරය පියවර ගතයුතු බව රතුතරුව අවධාරණය කර සිටී.
